مرثية بن منشار

[نجم الإبداع]

بسم الله الرحمن الرحيم
قال الله تعالى((يايتها النفس المطمئنه ارجعي الى ربك راضية مرضية فادخلي في عبادي وادخلي جنتي)) صدق الله العظيم
يعلم الله ياخوان اننا صابرون ومحتسبون
ولكن القريحه ابت الاان تسجل بوحها
وابى الحرف الا ان يتكلم
اسأل الله ان لايريكم مكروه في من تحبون
واليكم كلمي

الا ياعين هلي الدمع واسقي السهل والوديان=على الي شقّ موته في قرى غامد وزهراني
نهارالجمعه السادس عشرفي جده موته حان=ربيع اول ثلاثين والف واربع ميه كوّاني
تهادت رنة الجوال واوجس غربة الرنان = بوحشه شلت جوالي وكني وسط نيراني
تحشرج وقتها صوت المنادي قال مات الان=سمعت اصوات رعد وبرق فوق الراس دكاني
عميت وشلت روحي فوق كفي بالخلا حفيان=واناضر كل ماحولي ماشوف الا دجى جاني
رضينا حكم رب البيت كل الي عليها فان =ومايبقى سوى الله العظيم ولا احدٍ ثاني
نعم بالقلب غم ومانقول الا رضى الديان=ولكن دمعنا للحزن بين جراح ساقاني
على منشار جودي يادموعي دم وقتك حان =و بالعبرات غصي ياعيوني بين خلاني
وجودي ياوجودي جاد وجدي بالجوى وجدان=وجادت بالجنى لجدات جدت جود وجداني
وسال الدمع فوق الصدع مثل الرجع بالشعبان=وصاح الكسر كيف الجبرقيل الفجر وانكاني
على الشيخ الذي عاش الالم مابيح السدان =ولا خان الامانه من سلالة جود واعياني
عميد اهل الفصاحه بالطلايب دامغ البرهان=نشاء في طاعة الرحمن تفخر فيه الاوطاني
خدم بالدوله مسلم ماتجاوز والأمانه صان = ونصِّب من جميع الربع للشيخه بعرفاني
شرب حب الديار وما اختلف عن عادة الجدان=ولا فرط بقول الحق له بالديِِِن ميزاني
خساره فادحه موته وحسره زلزلت زهران = ومالك ياعيوني غير دمعك فوق الاوجاني
على الشيخ الذي له بالكرم بين العرب صيوان=وله في كل موقف بصمةٍ والطيب عنواني
صويب الراي والرؤيه وله بالمعرفه نيشان= الا منه تكلم من درر وورود الاغصاني
من الحكمه وصلب الشور والمعروف عالي الشان=له التاريخ يشهد بالوفاء في كل ميداني
مجاهد في فلسطين العروبه مقدره وايمان=وراعي صلح بين الناس بالميقاف شيهاني
سلو عنه العتيبي يوم هم تحت القناء ماكان=وهو في صغر سنه ماخشي البارود وجلاني
يحب القدس دايم ذكرها بين القصائد ران=فصيح القول عمره مايلوك العلم لوكاني
مفوّه بالمحاضر واضح النبره فصيح لسان=وشاعر فحل ملهم بالقصايد صب الاركاني
سلو قذانه والا هل شرى والا سلو البدوان=عن الشعر الذي من فكر بين الناس زهراني
وكم من مشكله قد حلها يشهد لها العربان=قصايد ثابتٌ مقصودها ياكل فهماني
بذل وقته لربعه ماتوانى طور البنيان = وطالب بالمشاريع المفيده قدر الامكاني
منح للمدرسه موقع وللصحه بدون اعذار=وطالب بالمياه وللزراعه حط خزاني
من الديره منحها رغم مالاقى من النكران =ومافكر سوى يروي بماها كل عطشاني
جلبها من الشعيبه صافيه واهل الردى عميان=عساها في موازينه ودقة كل غيراني
عمل عين الصواب وبات غيره دالهٍ حيران=الا ياجعل روحه في جنان الخلد ترفاني
تعدوى له قريب الناس والي يحسده غيران=وما نال المعالي غير فكر الجيد الباني
تعالى عن سفاسيف الامور وناجز الشجعان=وواصل بالكرم روس الرجال ومات قوماني
شجاعٍ مايهاب الموت راسه كنه الصوان=شهد له بالمواقف قاصي العربان والداني
توسط للرفاقه بالوظائف واسعف الغرقان=وداعى دونهم في كل موقف ماشتكى ضاني
يشاركهم في الاحزان وان جا للفرح فرحان=ويكفي دونهم لامن حضر في كل مركاني
الا ياليتهم ماخالفو قوله بكل مكان = ولاجازوه بالنكران كان اليوم ماكاني
تناجو بينهم بالتفرقه والاثم والعدوان=وضاعو بين درب المعرفه واقفال دكاني
عسى من لامني في وصفهم بالحيف والخذلان=وعسى ربي لدرب الحق يهدي كل غلطاني
احسو بالندم من عقب فقده كنهم طرمان=وضاع المعتزي منهم وحبه صار خرماني
اناظرهم بعيني واتذكر وقتنا الي سان = بدون القايد الناس اصبحو جاهل وجفلاني
انا ماسقت علمي غير للذكرى بلا عنوان=لعل الناس منها تعتبر والنهج مرجاني
رحمك الله ياعودٍ بمكه وسط قبره بان =وخلف للجماعه حزن ماتمحيه الازماني
وخلف داخلي حرقه عجز عن سبرها قبطان=وحسره قاهره ماضنتي في يوم تجفاني
الا ياليل حزني طل وطول واكتب القيفان=وناج الحرف عبره تخنق اوردتي وشرياني
كسى بالخزمر الحزن المتيم وانتحب ناوان = وونت دوس واهل الحجره والمندق وسيحاني
وجاوبه الكناني واهل دوقه وانتدب بيضان=وجاوانا بني عامر ونيس وذرب شدواني
وغم الحسني موته وحل ابني عمر احزان=وون الشيخي امع الناشري وانغم عدواني
وحلت بالبشيري مع بني جندب وفي عيسان= معالم حزن من فقد الرشيد وحن شغباني
وفي غامد سرى للحزن وقعه في بني ضبيان=وفي بالشهم جال الهم بحوالي وقذاني
ووادي سيل من بلجرشي شفت العزاء ضنيان=وساق المكرمي واهل الجبل جلحي وغيلاني
وبالباحه تكدر خاطر الزرقاء وهل رغدان=وبين بني كبير العلم كنه سوط نيراني
الا مني ذكرت افعال ابوي اغدي بها نشوان=ويعصرني الالم من فقد ذاك الفارس الحاني
حكيم اهل الديار الي بفقده ضاقت الخليان=ومظلم كل شي حولي ونوري جمر باكواني
تغير كل شي حولي وفكري مقفل البيبان = ومابه غير حزني والجوى من فقده اعماني
تهامل دمع عيني داخلي نبعه من النيران =وعبرات اخنقتني واحرقت جوفي ووجداني
نضرت اهل الخطابه حزنهم فوق المحاجر بان=وكن الدار من كبر المصاب قفار تنعاني
تلقينا الوفود وحزنها فوق الوجوه الوان=وتوجها بموكب شيخنا وخطابه اشجاني
لفى عبد العزيز ابن الرقوش وحرك الوجدان=وبن مصلح بلمسه حانيه وافى وبكاني
ومن صحب الامير الدار ونت واشجت الجيران=وحست بالخساره كل نفسٍ قيمة الفاني
وجانا الشمري واثرى المحاضرقوله اطمئنان=من اهل الجود والطيبه حضوره حيل واساني
نعم بابو حسين الحارثي حاضر ووقته ضان=وعبدالله الذي حاضر نعم ياصلب قحطاني
ومن غامد خضر راعي الوفا واصحابه السبعان =ولا ننسى مساعد عشت يالدوسي لنا عاني
وعبد الواحد الي موقفه بين الرفاقه بان = على وضح النقاء شاعر مميز جاد وارضاني
ومتعب ماتوانى وابن سعور راعي التبيان=ومن دار الفصيله كل مطلق بالوفاء باني
ليحيى بن سعيد الشكرراعي الجود والعرفان=ول ابراهيم ابواحمد شكر بالميقاف لا هاني
علي ابراهيم واحمد ماتوانو وانثنو شيهان =وظيف الله ومشعل مع مبارك ذرب الايماني
وعبدالله ابن جعبول الموافي ساعة الشنان =وعذري وامتناني يصْل عماتي وعماني
لكل الي حضر من ربعنا شكري لهم سيان=بدو ماقصروا يرضي وفاهم كل زعلاني
انا ماوردت غير اسماء من جونا على الركبان=من اديارٍ بعيده ماتوانو ذكرهم جاني
لهم حقن علينا وان نسينا بعظهم لاهان = وكل الي اتصل والا تعنى نور الاعياني
الا يارب تغفر للذي في مكه قبره زان=جوار البيت روحه ساكنه من تحت لحداني
ويارب احفظ امي واشفها طالبك ياحنان=وبلغني رضاها وابرها من سقم الابداني
وصبرها على البلوى فهي من قاست الفقدان=ومن حبل الموده جردت باقدار رحماني
عليها القلب يرجف كن به من بعدها بركان=ولاهي راضيه تبعد عن الديره والامزاني
اعزي من تحدت لاجلنا فقر وتعب مالان=وربتنا على التقوى وفعل الخير برهاني
الا يالله تبلغني رضاها واثقل الاوزان = ومتعها بنا ياخالقي من بِر نوراني
ووفقنا لما ترضاه يارب السماء المنان=ودم حبل التواصل بيني ومابين اخواني
يابو عبد العزيز الشيمه فيما بيننا عنوان=وهذا وقتها والكل منها ياعلي فاني
ويابو طيف ماللشيمه غيرك ساعة الهجان=ولاهي بالغريبه ياسعيد وطيبك انساني
ولاآبو خالد ادري بالشيم وقفه لها نيشان=كفى عبد العزيز الطيب تاجِ بين الاقراني
ولك مايختلف حول الشيم يابو وليد اثنان=محنك والشجاعه حزتها لبسك والارداني
عزائي لام بندر وام طارق وام سالم قان=ولام مهند اخوات الرجال الصلب الاوكاني
انا افاخر بكم بين العرب ياعزوة الدنان=عصابة راسي الشجعان مافيهم خطيلاني
عزائي جمعكم وابغى التكاتف بينكم ياخوان=ودنيانا قصيره عافها مسلم ونصراني
ولكن فوقها معنى الاخوه زاهي الاردان =وماحدن قد خذا منها سوى لوعات واكفاني
وانا راضي بحكم الله جلت قدرة الرحمن = مصير الموت ياخذ كل حي وكل انساني
يموت الانبياء ويموت كل الانس حتى الجان=ويموت الموت حتى ملائكة ربي موتاني
ومايبقى سوى وجه العظيم الباري الاكوان=ويوم الجمع يجمعنا سوى بالحق جمعاني
وهذا درب ممضي للخلايق ماترك سلطان=ولا سالم غني من سطوته واسمال فقراني
الا يالله طلبتك بالعوض والصبر والسلوان=على موت الكريم الي بفقده حلت احزاني
ومالي غيردعوه صادقه في ليل ساق اشجان=وناجيت الحروف المضرْجه من هجس مجاني
دعيتك يامجيب الدعوتي من خافقي الحزنان=تغفْرْ لوالدي وتدخّله جنات عدناني
موحد من عبادك حب قربك وانته الديان=تجاوز عن ذنوبه وارحمه يارب الاكواني
على سنة محمد ماخفر ذمه ولاقد خان=وعانى في حياته مانثنى والوقت شراني
والا يالله تغمد روحه الجنه وحور اعيان=وسامح زلته واغفر خطيئاته يا مناني
طلبتك ياجليل الملك تسكن والدي بجنان=جنان الخلد قربك وابدله راحات واحساني
فما هذي الحياه الا لعب واللهو فيها شان=قصيره منّها ماسلْم متغطي وعرياني
ويارب ادخله جنات عدن وجازه بغفران=والحق والدي بالصالحين ودار الايماني
وجازه عن جميع السيئات المقفيات احسان=ومن جودك توله ياكريم بعطف واحساني

[حي الضمير]

غالينا فلاح ابكيتنا بهذا الرثاء المؤثر جدآ لكن لا راد لقضاء الله
ورحم الله الفقيد واسكنه الفردوس الاعلى من الجنه
وجمعنا بوالدينا ووالديكم وجميع المسلمين مع الانبياء والصديقين والشهداء يارب

[الطائر المهاجر]

الله يغفر له ويرحمه
ويتقبله في فردوسه الأعلا
ويجبر مصابكم ويعظم اجركم
وما هذه الملحمة إلا من وفي لمن يستحق البر والوفاء
صح لسانك وقلبك
ولا هان راسك
مع أطيب تحياتي وتقديري

[سناعيس]

ويارب ادخلـه جنـات عـدن وجـازه بغفـران
والحـق والـدي بالصالحيـن ودار الايمـانـي
وجازه عن جميع السيئـات المقفيـات احسـان
ومن جودك تولـه ياكريـم بعطـف واحسانـي

الاخ العزيز فلاح بن منشار
صح لسانك
وغفر الله لوالدك واسكنه الفردوس الأعلا من الجنان
قصيدة لاشك مؤثره وملحمة جامعه ووافيه لمن يستحق الوفاء وماهي عليه بكثير
لا استطيع الا ان أقول عظم الله أجركم وجميع محبيه وأجزل لكم المثوبه
وماهذه الدنيا الا متاع الغرور

لاهنت

تحياتي

[محمد عبدالله البدراني]

فلاح بن منشار
سلمه الله


غفر الله لوالدكم واسكنه فسيح جناته


ومليون صح السانك على هالملحمه المعبره



وكان الله في العون يابو محمد



تحيتي وتقديري

[ناصر عبيد الهواوي]

اللهم آمين الله يتقبل منك الدعاء ويدخله فسيح جناته وجميع المسلمين
احسنت والله يافلاح وليس كثيرا منك فحق الوالد اكبرولكن كما قلت
مجرد تعبير عما يجيش في الصدر بارك الله فيك وصح لسانك

[ام العمده]

فلاح بن منشار غفر الله لوالدك واسكنه فسيح جناته والهمكم الصبر والسلوان صح لسانك واعتلاا شانك لاهان راسك كتبت فابدعت دمت بخير

[دايود صالح الخلف]

الله يرحمه ويسكنه فسيح جناته


صح لسانك لاهنت

[زهرة اللوتس]

الشاعر فلاح بن منشار

قصيدة حاكها قلبك وصاغها عقلك
فكانت خير ايحاء لمدى عمق جرحك
مرثية متنوعة الصور...فيها الكثير من العبر
فكانت درة من الدرر
جزاك الله خيرا
وأسأل الله تعالى ان يلهمك الصبر والسلوان
وان يسكن الفقيد فسيح جناته

وهذا ما كتبته انا بفقدان ابتي
بأي صبر سأكتب عنك أحزاني
وأي شعر سيحمل هم وجــداني
وأي قافية في الكون ياأبتي
تكفي لوصف فؤاد مثقل عانــي
فالحزن ياأبتي قدعاش في جسدي
والموت أفزعني والفقدأبكاني
والدمع في مقلتي قدصار يحرقني
لا لست أهواه لكن ليس ينساني
ذكراك في خاطري المكسور قد رسخت
ورسم وجهك إن أغمضت يلقاني
بألأمس كنت معي أواه ياأبتي
واليوم ياأبتي من قد سيرعاني

[عبدالعزيز ابراهيم المنصور]

رَحم الله ُ ميِتُكم
وأسكنهُ فسيَحَ جِنَانه إنْ شَاءَ الله ُ
نَصّ رَائِع
وكَلِمَات فِي قِمَة الرَوعة
كَلِمَات مُعبّرة لَهَا وَقعٌ فِي النَفَس
لافضّ فُوك
سَلِمْت سَلِمْت
دُمْتَ بِخَير