لحــاف الظـلام (صوتيه)..

[بندر الشاطري]

آمـــآل ولــكن ....!

خلاص ياشمسي بقى ساعه على وقت الغروب=امنتك بحفظ الوعد بكره وفي نفس المكان
مرقاب همي ينتظر اما تجي والا ..تتوب=لا تكشف وجيه النجوم غيابها ماله امان
تغطت لحاف الظلام اللي على جاله تذوب=والليل يسرقني انا ويطلق لضلي عنان
وجفوني اشتاقت تضم رموشها من كل صوب=والنوم خبريبه يطق الباب من ذاك الزمان
مير البلا ضيفي ثقيل مقفل(ن)كل الدروب=ضيفته بعيني سهر وارخى على صدري هوان
ياليتني شمس النهار ابحجب نجوم الذنوب=ابغا بلالي ينتهض ثم يرفع بصوت الاذان
ابغا يشوفون العرب مكانهم بين الشعوب=يعني امانه يازمن بالله ما آن الاوان؟
ابغا نكف دموعنا ثم نرجع نخيط الجيوب=ونعيد قاموس الحياه ويرجع الكافر جبان
حرام..نشوف امجادنا يلعبها كفر الهبوب=وحنا على ذاك الزمان احزاننا تعزف كمان
نطرب على صوت الغناء ونصدق وعود الكذوب=ونتعب لجل نرضي اليهود ونرضخ لكوفي عنان
ونفوسنا مثل الحمام انثرلها ذلـَّك حبوب=ماهو لجل لقط الحبوب السالفه فيها هوان
وحنا نعد امجادنا ونشره على الوقت اللعوب=نزعل ونشرب كاسهم ونصفق وترقص روان
والليل يسري بالعمر ونقول ستار العيوب=خلاص يانومي تعال الشكر لك والامتنان
والساعه اللي روحت كنت اتحرى للغروب=راحت مواجعها قصيد وغادرت نفس المكان

وسلامتكم

بندر
.
.
.
الشاطري

[جلال ابراهيم الصبيح]

جميل جدا.....رااااائعة.....صح السانك واعتلى شانك...دمت بخير.


عاشق دمشق

[ابومياس]

اهلا بشاعرنا الراقي
اهنئك على هذا النص الفاخر
الذي يبرهن عن وجود شاعر كبير
حبك هذه الحروف
صح لسانك وبيض الله وجهك
اقبل مروري من هنا
دمت بخير

[نجم الإبداع]

ارحب يابندر

وصح بدنك على المصافحه الجزله

لاهنت

تقبل مروري


وتقديري

[ترانيم المطر]

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود

[الطائر المهاجر]

سلمت وصح فكرك ولسانك
جزلة من راس جزل وشاعر مبدع
لاهنت
تحياتي الطيبة

[الـزلـزال]

خلاص ياشمسي بقى ساعه على وقت الغـروب=امنتك بحفظ الوعد بكره وفـي نفـس المكـان
مرقاب همي ينتظـر امـا تجـي والا ..تتـوب=لا تكشف وجيه النجوم غيابهـا مالـه امـان

بندر الشاطري



قصيده رائعه ومميزه


من شاعر متميز ورائع في كل مايقدمه



أبدعت شاعرنا وأمتعت رعاك الله




صح لسانك ملايين ملايين


ولك فائق تحياتي

[همس الورد]

صح لسانك و بيض الله وجهك

رائع ما شاء الله

تحيتي

[ام العمده]

بندر الشاطري صح لسانك واعتلا شانك لاهنت على هذه الشامخه ابدعت يالشاعر دمت بخير

[الطامي]

بندر الشاطري
صح السانك ملايين
وافية جدا
لاهنت اخي