طير الفكر

[عبدالعزيز ابراهيم المنصور]

بسم الله الرحمن الرحيم

لي مدة ٍ ماقلت حرف ٍ ولاقاف=ولاطرت لي خاطرة او قصيده
مدري شعوري فالشعر فاتني وطاف=والا استراحة للمشاعر تريده
طير الفكر له مدة ٍ مابعد شاف=صيد ٍلجل حبك المعاني يصيده
الشعر له مبدا ولازم له انصاف=الشعر له مجد ٍ قديم ٍ مشيده
اهل الشعر واجد تعدوا للألاف=لكن قليل اللي رياهم سديده
البعض منهم واصل ٍ حد الاسراف=مثل الذي فكر يزود رصيده
يمدح وهو كاذب ومع كذبه احلاف=باع الضميرلاجل شي يريده
اللي نهج في مسلكه نهج طواف=كل يوم يلحق في زمانه طريده
منه ومن امثاله الشعر ينعاف=لوان حروف ومفرداته فريده
وانا ولو ماني بالاشعار عراف=لكن احاول اكتب اللي اجيده
يشدني سبك المعاني والاوصاف=باحلى تماثيل ٍوحكمه رشيده
والا غزل لاصار مرهف وشفاف=بابداع شاعر جاب فكره جديده
قدامي دفتر والقلم في يدي جاف=وقفت لحظة ما ادري وش هو اريده
فجأة اكتشفت اني اناكاتب ٍقاف=خواطري نثرتها في قصيده

[العصفور]

شكرا لإمتاعنا بإبداعك
لاهنت
تحياتي

[ماجد الراشد الهيري]

الله عليك ياخوي عبد العزيز
هذا وانت ماشاء الله فكرت تكتب قصيده كفكره اجل وشلون لا نويت الطرق فيها
الله يسلم قلم الجميل والذي لايمكن ان يجف بها الفكر المبدع
لاهنت اخوي

[الطائر المهاجر]

سلمت
وصح لسانك وفكرك
ولاهان راسك
تحياتي

[عبير الورد]

صح لساااااااانك ملايين
سلمت وسلم منطوقك الجزل
ربي يعطيك العافية

[داعي الشوق]

صح لسااااااااااااااااانك يا عبدالعزيز

ابداع في تصوير الذات

ولاهنت يا شاعر

**************

[الطامي]

وانا ولو مانـي بالاشعـار عـراف
لكن احـاول اكتـب اللـي اجيـده
يشدني سبك المعانـي والاوصـاف
باحلـى تماثيـل ٍوحكمـه رشيـده
والا غزل لاصار مرهـف وشفـاف
بابداع شاعر جـاب فكـره جديـده
ــــــــــــــ
المنصور
صح السانك
رائعة جدا
شكرا لك

[بيدي رسنها]

صح لسانك ولا هنت شاعرنا . وسلم عمرك وحرفك .. تحياتي .

[حي الضمير]

صح لساااااااااااانك عبدالعزيز
قصيده رائعه وابدعت
سلمت يمناك

[عبدالعزيز العمار]

صح لسانك يابو سعوووود

شاعر جزل ومبدع في طرحك ولاهنت يالسمي

تحياتي وتقديري