وسيمه للي يبي يلعب مفتوحه للجميع

[عبدالله الشويمان]

هذي وسيمه ابتديها بالسلام ويا سلام=لهل الفطاحل كلهم وافي لهم وافي لهم
جبنا طرف للخيط وهيا بالهمام ويا همام=(طوبه على طوبه تقوم بيوت يا باني)

[عبدالله الشويمان]

يا الشاعر اللي بالمواقف شمر وشد الحزام=القز لا ناره طفت عند العرب قزٍ لهم
أعرف صبي الحرب لامنه نهم للحرب قام=(نوبه مع النوبه تصير الدار بآماني)

[ابو زياد]

صح لسانيكما
بداية رائعة نحن على موعد مع الابداع

[نجم الإبداع]

هذا زمان الفتنه شوف الملحمه تشعل ضرام = وانا احمد الله عالهدايه يوم ربي ظلهم
حنا حبانا الله بالإسلام والبيت الحرام = ( نحكم بشرع الله يوم الغير علماني)

[نجم الإبداع]

ابو زياد

سررنا باطلالتك البهيه
لاعدمناك

[عبدالله الشويمان]

الله يكافينا الفتن ويفكنا من الانقسام=بعض العرب يا صاحبي تخاف ما تامن لهم
من لا على دينك ترى هو ما يعينك بالدوام=هذا مثل بين العرب قاله فصيح الساني

بارك الله فيك يا ابو زياد

تواجدك يشرفنا

[نجم الإبداع]

ياخوي دام انا بشرع الله حكمنا مانظام = والي ابتغوا العزه بغير الدين ربي فلهم
اهل البدع ناظر بلاهم نسأل الله السلام=ماعاد نعرف من هو المظلوم والا الجاني

[عبدالله الشويمان]

الله.. هو طلَّع بلدنا من دياجير الظلام=بملوكنا اللي يرفعون الرايه العزه لهم
واليوم ابو متعب ذخر ابن الكرام يابن الكرام=وبعض البشر في عقل زين وبعض عقله شاني

[نجم الإبداع]

صدقت فيما قلت وانا اشهد لهم بين الآنام=مافرطوا بالحد والجار استعز بعزهم
عيال من وحد جزيرتنا رحم ذاك الإمام = والشعب تحت امر الملك بالمال والولداني

[عبدالله الشويمان]

صح السانك يا اخ فلاح واشكرك على تكرمك باللعب مع مبتدئ مثلي..

الله يطول عمرك..دمت بخير