شــدتـنـيـ الــذكــرىـ ......!!

[عيادة الجهيلي]

القصيدة بصوت والقاء الشاعر القدير حمد العيد

اصبحت بعيون الامل شخص مفقود=وامسيت بجروح السهر والنكاده
فيني مساحات الالم مالها حدود=وين انت يادرب الفرح والسعاده
شدتني الذكرى مع ايامي السود=وحطيت لوعات الزمن لي وساده
صبرت مافاد الصبر كل مقرود=لوكان عنده فوق صبره جلاده
مريت في عيني جفاء هبت النود=ولقيت حزني يشتكي من عناده
ماني انا موجود لوكنت موجود=الحزن غيبني بقسوة سواده
والجسم من همي نحل كنه العود=والعين دمعه ضاق فيها مراده
من ضيقتي بابي من الوصل مردود=لو كان ماتنفع هبايب براده

للتـحـمـيل

[داعي الشوق]

صح لسانك مليووون يا عياده

ويسلم صوت حمد العيد

ابداع رائع و اخراج اروع و كلمات جزله

صح لسانك و يسعد ايامك

ولاهنت

[الراقي]

رائع بكل ما تحتويه الكلمه من معاني

دامت نبضات قلبك و دام فيضك الزاخر

و دام حضورك

صح السانكـ و جوارحك

[هترل]

هالله الله ياعياده
لله درك كايفه ووافيه
صح لسانك ترليوووونات
ابدعت وامتعت شاعرنا القدير

تحياتي وتقديري

[الطامي]

شدتـنـي الـذكـرى مــع ايـامــي الـســود
وحطيـت لـوعـات الـزمـن لــي وســاده
صـبــرت مـافــاد الـصـبـر كـــل مـقــرود
لـوكــان عـنــده فـــوق صـبــره جــــلاده
،،،،،،،،،،،،،،،،،،،،
الجهيلي
ابداع صح السانك
ابيات لها شأن لافض فوك
شكرا لك

[سعيد عوده الحويطي]

صح لسانك عياده الجهني شاعر مبدع ورائع لافض فوك. تقبل تحياتي

[عبدالإله]

سطور تنبض بالجمال والعِطر

و كلمآت عآنقت الآبداع

صح السانكـ مدد ابلا عدد

ولاهنت على اتحــــافـنـــا

[شاكـر محمـد]

صح لسانك
طيبه من طيب
بالتوفيق

[بنت النور]

كتبت فأبدعت واجزلت
صح لسانك ولا هنت
تحياتي الطيبة

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي