صندوق الاحساس ..

[حسن الشريفي]

لأول مرة ..
ترى النور
لعيونكم ..

.. صندوق الاحساس ..

الليـل .. يا سـمّـار .. بيـتـي .. وداري=مستودع اسراري وصندوق الاحساس
من لامني في الليــل .. ماهــو بداري=انّي أنــا .. والليـل صحبـه .. وجـلاس
أغليـه .. وارخص لجْل عـينه نهـاري=غالي ومن زود الغـلا .. ماله اقيـاس
وزاد الغـلا .. ما عاد للشمس طــاري=لا غاب قرص الشمس ماكنّي في النّاس
أشتـاق له .. واهــدم عشــانه جـداري=وابني من احساسي بيوتٍ على ساس
أعـشق توالي الليـل .. احب المساري =وآخـاوي نجـوم ٍِ لها .. لمعـة ألمـاس
وآحب لي نجـمــة .. تغيــظ الغـــداري=أسـري لها ليـلي .. ولا غـيري عسّاس
حبيبتي نجـمـه .. لهـا جـسْـم عـــاري=صورتها مرسـومه على وجه قرطاس
وفي صدرها طعـسين .. ماهي صحاري=آنـا خبيـر ٍِ .. بالصحـاري .. والاطـعـاس
يتـوه فيـها .. لا ســرى الليــل ســاري=وطعـوسها .. يلقى بها قلبي احـسـاس
لا حْـد ٍ يـروح بْعـيـد .. ماني نـزاري=آنـا وريث الطيـب .. والدين لي ساس
فكـري يـروم الريـم .. عـاف الحبـاري=وريم القصـايد .. ما تجي دون وسواس
من دونـها .. حالت أســــود ٍ ضـواري=وبيني وبين عْيــونها .. صفّ حــرّاس
والقـاهـا في ليلي .. وانا الليـل داري=مستودع اسراري .. وصندوق الاحساس

[داعي الشوق]

أشتـاق له .. واهــدم عشــانه جـداري = وابني من احساسي بيوتٍ على ساس

**************

صح لساااانك يالشاعر حسن الشريفي

و الحمدلله على السلامه

قصيدة صباحية جميلة

ابداع يتجدد و حضور جميل

تقديري لك مع التحية

**************

[الراقي]

لاَفُض فُوكَ شَاعُرنا ..

قَصِيدة حَاكت الجَمال ~

صح لسانك

^^^^^^^^^^^

[عبدالإله]

الله الله ..

رااااائع وعذبـ وجزل ..

صح السانكـ .. وقلبكـ ..

@@@@@@@@@@@@@

[منيع]

ياسلام عليك
ابداع وتميز
بارك الله فيكم
تحياتي لكم

[عبدالعزيز البليهد]

اثاريك مثلي تحب الصحاري

هذا الغرام ومايسوي

عذوبه وجمال يشفع للغياب

صح لسانك ولاهنت

[عمر ال شيبي]

روعه

روعه
من معاني وطرق لا هنت ابد

[عبير الورد]

صح لساااااانك ملايين سلمت وسلم بوحك الراقي
يعطيك الف عافيه

[أم ريما]

من دونـها .. حالت أســــود ٍ ضـواري
وبيني وبين عْيــونها .. صفّ حــرّاس
والقـاهـا في ليلي .. وانا الليـل داري
مستودع اسراري .. وصندوق الاحساس


صح لسانك

قصيده جميله يعطيك الف عافيه

ولاهنت

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم