ابومياس
20-09-2007, 04:33 AM
مذكرات طفل
(الحلقة الواحدة والعشرون)
هناك جيران لنا وعندهم دجاج كثير وحمام وكل يوم نراهم ياكلون بيض
الدجاج وكان نادر ان يحصل الواحد على البيض 0
فقررنا بعد اجتماع مداولات انا واخي ان نحاول ان نشتري منهم دجاج
لعلها ان تدر علينا بالبيض الوفير وهذا ماحصل 0
ذهبنا الى جارنا وكان بسننا تقريباً ( 11 سنة ) وعرضنا عليه الصفقة وهي شراء
دجاجتان وديك فقال لنا تم 0 فتمت الصفقة واخذنا الدجاجتين والديك 0 ثم وضعناهم في كرتون كبير
حتى يالفوا المكان طبعا هذي توجيهات البياع وكل صباح نذهب الى الكرتون قبل ان نغسل
وجيهنا لنرى ان كان بامكاننا تذوق البيض المحلي من انتاج دجاجاتنا ام لا ؟
وكل يوم ناتي الى الكرتون ولكن لا بيض يعني دجاجاتنا اكل ومرعى وقلة صنعه
اخيرا استدعينا الخبير اللي هو البياع وقلنا له الدجاج لم يبيض شفلنا حل اسبوع وحنا ماغير
كل شوي نطل عليهم ولكن لاتوجد بوادر امل في تذوق البيض 0 فقلنا له خذ دجاجاتك وديكك ماينفعون
قال لا الديك شكله ماهو مضبوط بس راح اغيره لكم بواحد مايحتاج راح كل يوم تاكلون بيض وتدعون لي
قلنا خذ ديكك وهات لنا الديك اللي يفرجها لنا 0
المهم جاب لنا ديك والله شكله ناصح ومتعافي وماغير يصايح حتى الساعة 2 الظهر
ازعجنا والدجاجتين بس اكل من هالشعير على غير سنع 0
الظاهر انه نصب علينا واعطانا دجاج محال للتقاعد 0
وفي ليلة قبل ماننام قال لي اخوي بكرى راح اويك فيهم اذا مافيه بيض
انا احسبه يبي يرجع الدجاج لرفيقنا بس شكله مبيت نية لهم 0
الحاصل قمت الصبح على صوت الدجاج والديك شوي يوم اختفى صوتهم 0
رحت لمهم وحصلت اخوي معاه سكين وذابحهم كلهم
وهو يقول لابارك الله فيك انت ودجاجك ولابارك الله في الساعة
اللي شرينا منك هالهلايم ( الهلايم = كبيرات السن اللي مافيهم طب من الغنم )
مصطلح يستخدم للغنم بس اخوي شكله ضرب فيوزه ذاك اليوم وشمل الدجاج مع الغنم
بهذا اللقب المخجل 0 قال الان نبي نطبخهم ونتغدى عليهم 0
والله جلسنا نطبخهم حوالي ثلاث ساعات
وهم كنهم مطاط يعني لابيض ولا لحم 0
واخر شي رميناهم حتى مرقهم يلوع الكبد 0 ياربي لك الحمد 0
دمتم بخير
( يتبع )
(الحلقة الواحدة والعشرون)
هناك جيران لنا وعندهم دجاج كثير وحمام وكل يوم نراهم ياكلون بيض
الدجاج وكان نادر ان يحصل الواحد على البيض 0
فقررنا بعد اجتماع مداولات انا واخي ان نحاول ان نشتري منهم دجاج
لعلها ان تدر علينا بالبيض الوفير وهذا ماحصل 0
ذهبنا الى جارنا وكان بسننا تقريباً ( 11 سنة ) وعرضنا عليه الصفقة وهي شراء
دجاجتان وديك فقال لنا تم 0 فتمت الصفقة واخذنا الدجاجتين والديك 0 ثم وضعناهم في كرتون كبير
حتى يالفوا المكان طبعا هذي توجيهات البياع وكل صباح نذهب الى الكرتون قبل ان نغسل
وجيهنا لنرى ان كان بامكاننا تذوق البيض المحلي من انتاج دجاجاتنا ام لا ؟
وكل يوم ناتي الى الكرتون ولكن لا بيض يعني دجاجاتنا اكل ومرعى وقلة صنعه
اخيرا استدعينا الخبير اللي هو البياع وقلنا له الدجاج لم يبيض شفلنا حل اسبوع وحنا ماغير
كل شوي نطل عليهم ولكن لاتوجد بوادر امل في تذوق البيض 0 فقلنا له خذ دجاجاتك وديكك ماينفعون
قال لا الديك شكله ماهو مضبوط بس راح اغيره لكم بواحد مايحتاج راح كل يوم تاكلون بيض وتدعون لي
قلنا خذ ديكك وهات لنا الديك اللي يفرجها لنا 0
المهم جاب لنا ديك والله شكله ناصح ومتعافي وماغير يصايح حتى الساعة 2 الظهر
ازعجنا والدجاجتين بس اكل من هالشعير على غير سنع 0
الظاهر انه نصب علينا واعطانا دجاج محال للتقاعد 0
وفي ليلة قبل ماننام قال لي اخوي بكرى راح اويك فيهم اذا مافيه بيض
انا احسبه يبي يرجع الدجاج لرفيقنا بس شكله مبيت نية لهم 0
الحاصل قمت الصبح على صوت الدجاج والديك شوي يوم اختفى صوتهم 0
رحت لمهم وحصلت اخوي معاه سكين وذابحهم كلهم
وهو يقول لابارك الله فيك انت ودجاجك ولابارك الله في الساعة
اللي شرينا منك هالهلايم ( الهلايم = كبيرات السن اللي مافيهم طب من الغنم )
مصطلح يستخدم للغنم بس اخوي شكله ضرب فيوزه ذاك اليوم وشمل الدجاج مع الغنم
بهذا اللقب المخجل 0 قال الان نبي نطبخهم ونتغدى عليهم 0
والله جلسنا نطبخهم حوالي ثلاث ساعات
وهم كنهم مطاط يعني لابيض ولا لحم 0
واخر شي رميناهم حتى مرقهم يلوع الكبد 0 ياربي لك الحمد 0
دمتم بخير
( يتبع )