كشكول متعب المتعب

[متعب المتعب]

تبت يديهم !!



!


!




انا بشير مطفـف الكيـل بالويـل=والجـدي لا زاح المـزن نهتديلـه
وادري مافيـه لسنـة الله تبديـل=الواحـد الرحمـن منجـي خليلـه
واليازرعت ازرع على شاطي النيل=وبيدٍ مايـروي رد جوفـه نثيلـه
وافضل يصير ايمين سوق الفناجيل=وتدرون مايوم الشهر مثـل ليلـه
رد الخبر عني لراعـي المعاميـل=الارض ماجا من سماهـا تشيلـه
ولاظـل فيهـا يارفيقـي مداخيـل=من كال ياخـذ كيلـة مثـل كيلـه
قالوا زرعت وقلت حفنـة قناديـل=في واديٍ(فيه) الرجا يـوم اجيلـه
ياسهيل وينك ماتشـوف التعاليـل=بارضٍ بها من كـل نـزل وقبيلـه
ياسهيل عطشا والعرب مابهاحيـل=والنار موعدهـا علـى اول فتيلـه
ياسهيل والبارح قضينـاه تحليـل=بالمعتلي عنـد الرجـوم الطويلـه
يومٍ ناسـك يقطفـون المحاصيـل=انا بنيت الرجم وارجـي حصيلـه
كم ليلةٍ جيتـه واجـر المواويـل=والمعتلي يكشف لك اللـي تخيلـه
صيف وسحاب وعتمةٍ ترهب الخيل=وعابر سبيل ايمـر محـدٍ دريلـه
شاف السحابه برقها يجرح الليـل=وشاف السواري ضاع منها الدليله
يالمنتظر تبـت ايديـن الرجاجيـل=اللي اقطعوا عن وادي الحق سيلـه
تشوف سور الصين في وادي السيل=سدٍ منع عـن كـل فـرعٍ مسيلـه