كشكول متعب المتعب

[متعب المتعب]

ص 5




النقد ب ك ل م ا ت


النقد هو مااستحسنك فتلألأ سماءاً وسماعاً
وماكان زائفا من نص كنقود زائفة لايستسيغها ولايقبلها المصرف
لزيفها كذاك النص !!
فنقد الشاعر وتقبله دليل شاعريته بتقبله النقد الذي يوازي ماجاد به
والعكس ممن لايتقبل النقد الشعري فهذا الذي في شرع الشعر محرم عليه
الدخول لمملكة الشعر ومدائنه لأنه ليس بشاعر وإنما يحوم حول اسراب
نقده المفكر بقبول ماجاد به من زيف دون النظر للأصل .

مقوووووله :
الشاعر من يرتضي النقد بجميع جوانبه وهذا من يطلق عليه الفحل .
المستشعر هو العكس .

كقول المتنبي /
إذا رأيت نيوب الليث بارزة 00000 فلاتظنن أن الليث يبتسم
جد لي ماينتقد بالسلب لايوجد البته .


وعلى النقيض هذا القائل :

الليل ليل والنهار نهار 000000 والأرض فيها الماء والاشجار

أي شعر هذا الذي لايحرك الحروف والسماء ويزلزل الأرض من سذاجته !!
هل أتى بجديد الليل من المعروف انه ليل والنهار كذلك
وبديهيا أن الأرض فيها الماء والأشجار ولاجديد دون أن يترك صورة هنا وهناك
فهذا الشعر الهزيل الضعيف الذي ينتقد بضعفه ويمسح من أرض ومدينة الشعر
حتى لايكون عالة على تلك العاصمة الحالمة برونقها وجمالها !!!!!!


!
!
!


ماينطبق بالفصيح ينطبق تماما على طفلته المدللـــه العاميه والشعر النبطي .

\
\
\
\
\
\



صفحتـــــــــــــي مارأيك بــ .. بمقتطفات متعبيه شعريه :



كل ماقلنا عوافي جت امطمه =وكل ماقلنا خفايف عقدتنا
لاتعاتبني وهرجك في متمه=آآآه لو تدري وش اللي بافئدتنا

لاوردنا ميّها عنا تخمه=وان سقت باقي عطشنا كدرتنا
ان تلملنا شتاتن ماتلمه=وان تشتتنا عليها ما قوتنــــــا !!


7
7
7
7
7


الحب نعمه؟؟ . . أو مجرد سخافه؟؟=والا موده . . عايشه بين قلبين؟؟
/
/
هو ليل موحش . . سرمديّ ونخافه؟؟=والا أماني غامضه . . دون تبيـين؟؟
/
/
أنا اعتقد . . إن المحبه خرافه!!=كذبه . . وقالوها البشر للمحبين!!
/
/
منهو كشف سرّه . . يقول اكتشافه؟؟=ماظنتي أحدن عرف له . . عناوين!!
/
/
معقول فيه من البشر . . شخص شافه؟؟=دام النظر ياللأسف . . بس مترين!!
/
/
واللي يقول ان المحبه . . ثقافه!!=وين الثقافه ؟؟ .. والخيانه تلاوين!!
/
/
الحب كلمه . . عافها القلب عافه!!=كلمه . . وصارت في حلوق المجانين!!
/
/
والله لو ان الحب . . صادق عفافه؟؟=ماشفتلك خاين . . ولا شفت هافين!!
/
/
مثله مثل عطشان ميّ(ن) . . وشافه:=لكن سراب اللي تشوفه . . ظما العين!!
/
/
منهو وصل لحدود . . حالي ضفافه؟؟=دونه غرق . . واقصاه : حم البراكين!!
/
/
الحب طعمه مرّ . . وقت ارتشااااافه!!=واللي يبي حاليه؟؟ . . يدفع ملايين!!
/
/
قيس الملوح . . مع حبيبه .. خرافه=((ليلى)) وخانت . . كل شرع المحبين!!
/
/
مابين احبك ... والمشاعر : مسافه!!=دام الشكل طاغي . . بدووون المضامين!!
/
/
ذنب ... ومصيبتنا . . نحب اقترافه!!=بس الخطا,,, فادح . . وذنبه بذنبين!!
/
/
عطني بشر واحد . . وحَب بنظافــــه؟؟=عطني مثل مقنع . . سوا زين أو شين !!
/
/
شخصه ذليل . . وكل دربه كساااافه!!=بينه وبين النور . . شوك . . وأسافين!!
/
/
الحب ورده ذابله . . من جفافـــه!!= وحنا سقينا غصنها . . جود . . كفيـــن!!
/
/
أحد(ن) نطقها . . رغم صدق اعترافه=في داخله : غايه !! وطعنه برمحين!!
/
/
تافه . . ومن يمشيه . . ستين تافه=كرّم جنابك . . عن دروب المساكين!!
/
/
الحب تربه . . وامتلت من توافه!!=أهل المحبه . . وابشر فــــ,, بلة الطين!!
/
/
الحزن في آخر . . نهاية مطافه=واللي زرع ((فارغ)) . . حصدله ((فراغين))!!
/
/
منهم نطق كلمة أحبك . . لقافه=هو مادرى شوّه . . جميع الموازين؟؟!
/
/
في بالهم .. يوم انطقوها . . صلافه!!= يعني أحبك . . وانتي كل المزايــــــين!!
/
/
وانتي غلايه . . وحُب غيرك .. حسافه!!= ياجعلك بدنيا سعيده . . تناميــــــــن!!
/
/
كله كلام ,, وكذب . . رغم اعتسافه!!= معسول حرفن دار . . بين الحبـيـبـيــن!!
/
/
وجهة نظر من دووووون . . غش وكلافه!!= واللي يعارضني . . . يجيب البراهيـــن!!
/
/
الحب نقمه . . . والمحبه سخافه,,=حريتن ماتت . . . وبالقلب : سهميــــن!!


*
*
*
*


يقووووولوووووون :
تعرف الرجال من ثلاثة اشياء :
/ السفر
/ الحرب
/ إذا تزوج

ولأن بعض النساء من النوع الديكتاتوري اعاذنا الله
ممكن مايتحرك شبر واحد الا بعد اذن الوزاره .:p ;) :p
حتى لو قرع الباب يرتعد فرائصه بان يخرج ويستقبل الضيوف
من الرجال لأنه بثوب رجل فقط من (( النسره )):p
لذلــــــــــــــــــــك :


غيّر طعم فمها . . ومرّ اسقها المر= ياما سَـقتك الحنظل امرار وامــــــرار

ياسيدها المملوك . . ياعبدها الحر=من علمك للذل . . واجدادك احــــرار؟؟

تعال اشاور في أذانك . . بعض سر=لو مابقى مابيننا اليووووم . . أسرار

وان ماقدرت اتصير إنسان يا(كر)!!!= على الأقل . . أثبتلها إنك حمـــــــــار!!!




!



!





تحياتي لكل إمرأه غير ديكتاتوريّه !!:p




\
\
\



شفت الهموم اللي بقلبي لواجي=البارحه من حرّها .. بت مخنوووق
ذكرى تعكر من سببها مزاجي=فزيت والذكرى تعانق مع الشووووق
لا من دلهت شوي .. قمت امتفاجي=وازريت اخـفـّـي دمعتن باوسط الموووق

مبطي سمعت بقول لاقي رواجي=وانا حفظته : (( كل مطرود ملحوووق ))
وشربن من ايدين الأوادم هماجي=والذل حبلن يودع الراس مشنوووق
وماكل مايلمع ذهب له وهاجي=بعض المعادن بس شكلن بلا ذوووق
ودرب الوفا لاصار فيه اعوجاجي=ما يلتقي بالدرب عاشق ومعشوووق
ياليل شفني عاقدن لك احجاجي=أرجوووك فلّ احجاج خلك من الطوووق

*
*
*
*


الأرض فمّي . . . والعطش .. نشّف الفم=بسقي عطش أرضي دموعي . . لفمّـي

ياصاح وجه الأرض . . مخطوف من هم=خطت تجاعيد الزمن ..... وجـه همّـي

ياحـظ لـو مـره تكـرم .. وقـل تـم=والا انت ياحظي سبـب كـل . . غمّـي

ياقلب . . . تكفـا لاطلبتـك معـي قـم=عطـر الليالـي حزنهـا مـلّ شـمّـي

طفلن رضـع ثـدي الليالـي عـن الأم=حضن الليالي . . . ماكفاني عـن امـي

ياحظ باقي عنـدك اليـوم لـي غـم؟؟=هاته وانا رحـب الفضـا قـد كمّـي !!

ياوقت تسلم والشكـر حيـل لـك جـم=ماعاد باقـي فـي حياتـي . . مهمّـي

الشر عم . . وخيرها خـص . . ماعـم=دنيـا تفـرق يالغـلا . . . ماتلـمّـي

صاح الطفل في داخلي :ليش تهتم؟=دامك على نظم القوافـي . . ملمّـي

\
\
\

من كيبوردي العربي النائم بحروف خيبته :



ياسامراء ( سر مـن رأى ) ذبحـك مـن الأوغـاد=وياكوفه .. وشخبار النحـو ؟؟ باقـي ينادينـا ؟؟

وياتكريت تأقلمتـي علـى الكبريـت والأصفـاد!!=بدا نفطك يغيّر لـون (نطفاتـه) علـى المينـا ؟؟

وطيرك ياشجـر بابـل قهـر واصطـاده الصيّـاد=وعَلَم نيشانهـم حنّـا .. وياطلقـات صيدينـا !!

عـرب تحكـي ولاتبكـي بـلاحـس وبلاأمـجـاد=ونضحك خيبه وخيبه علـى حكـي(ن) ينسّينـا !!

تدانينا على الفاسـد ,, تنائينـا عن اللـي فـاد=تنائينـا .. يسلينـا ,, تدانيـنـا .. تناحيـنـا !!

تخيّل ناكل ونشـرب علـى صيحـة طفـل منقـاد=ونسمع (راشد) و (ميحد) وغيره مـن غناوينـا !!

زرعنـا بأرضنـا بـذره تقـول الـذل ياحصّـاد!!=حصدنا عـار مـن بـذره زرعناهـا بأراضينـا !!

أبي تعربلي هالجملـه ( لمـاذا أسقطـوا بغـداد )=وابي تهديني إعرابك .. بحطه ( تحت ) امانينـا !!


اتمنى ياصفحتي بأن لايرانا أحد !!!!

لـــــ .. نكمل ,,


ياصاحبي والشعـر جائـز ومحظـور=حتى المجاز احيان يجبرك حظـره !!
جبر الكسير احيـان بيديـن دكتـور=وكسر الجبير احيان باسباب جبره !!!

أكبر قهر لامن تبسّمـت مقهـوووور=إكظم قهرك وخل ضحكـك لقهـره !!

والتربيه ماهي قلـم خـط واسطـور=واللي ربـا باقـذار طينتـه قـذره !!

شخصن توده قبل ينطق على الفـور=وشخصن من اول كلمتينـن اتخسـره


يلزم تكون ف بعض الاحيان مغـرور=لأن الغرور بحضرة اللآش حقـره !!


\
\


صفحتي / في القادم من الليالي سآتي

لك بما تحشرج هنا ,,, أتعلمين أين يدي ومامعنى هنا ؟؟

على قلبي ,,,,,,,,,,,, استودعك الله .



متعب ..



\
\