تركي بن حميد

[الطائر المهاجر]

يا ما حلا ياعبيد في وقت الاسفـار=جذب الفراش وشب ضـو المنـارة
مع دلةٍ تصلى علـى واهـج النـار=ونجرٍ ليـا حـرّك تزايـد عبـاره
في ربعة ما هي بـتحجب عن الجار=لا من خطو الـلاش ماشـب نـاره
النجـر دق وجاوبـه كـل مـرار=ما لفه الملفـوف مـن دون جـاره
واخير منهـا ركعتيـنٍ بالاسحـار=لا طاب نوم اللـي حياتـه خسـارة
تلقاه فـي يـومٍ يضيعـن الافكـار=يومٍ على المخلوق ما اطول نهـاره
وقم في قصير البيت حشمة ومقدار=لو جار فادمح له ولو بـه خسـارة
ترى النبي وصى على الجار لو جار=خذ الحـذر ياعبيـد قبـل النـذارة
رافق قوي الدين حفـاظ الاسـرار=ينفعك في يومٍ يجـي بـه كـرارة
ترى الهوى والغي هن شر الاشرار=ومن داس عار الناس داسوا لعاره
جنّب ردي الكار مـا فيـه تعبـار=ما فيه من فعـل المناعيـر شـارة
جنب عنه خلّه لـقصاف الاعمـار=واحفظ وصاتـي يارفيـع المنـارة
واسلم ودم بالخير يا طيـر غيمـار=وصلوا على المختار ما غار غـارة