أبيات في الحكمة من الشعر النبطي

[الطائر المهاجر]

مع عبدالله بن ربيعه

لا تسمـع في هـرج نقـال ولا قـال=خلـه يقـل الحكـي بينـه وبينــك
وسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه
مقعـدك مع ناسٍ لهـم عنك منـزال=.لا هـم بـراجينـك ولا خـايفينـك
معهـم خبـرك وكايلينـك بمكيـال=على العسر واليسـر هـم عارفينـك
في مجلـسٍ مـالك مقـامٍ وتفضـال=أخيـر مـا تفعـل مقامـك بحينـك
يااهل النمايم من عمل عمـل يلقـاه=في ماقف يـوم الجـوارح شهـوده


يالعبد قيس ما طرا لك على البال=دنيـاك لا تلهيـك عـن تبـع دينـك
واعرف ترى ماقسم لك مابه اشكـال=يجيـك لـو كـل الـعـرب حاسديـنـك
والمـال مثـل الفـي لابـد يـنـزال=مــر علـيـك ومــرة فــي يمـيـنـك
والفرق فـي تبريـق ربـك بالاعمـال=فـي ساعـة تـذهـل بـهـا والديـنـك

مع حمد المغلوث

حـلات الفتـى لا رام تدبيـر حالـه=يقـوس المعـانـي والقيـاس ثبـات
لا يعتنـي بأمـرٍ وهو يـدري أنـه=أتـلاه يــرّث للـوشـاة شمــات
فكـم واحـدٍ تلقـاه فـي زي عاقـل=وهـو ثـور لكنـه عليـه عبــات
أنا أقول من يكرم وهو يرجي القضـا=أجل عنـك طيبـه ما عليـه حـلات
كما مقهويٍ بالسـوق لا صب يرجـي=مقـابيـل فنجـالـه تجيـه زتـات
حلاة الفتى يكـرم ويـروي بشاشـه=وما فـات مـن طيبـه يعـده فـات