أبيات في الحكمة من الشعر النبطي

[الطائر المهاجر]

مع الشريف بركات

أدّب ولـدك إن كـان تبغيـه يشفيـك=لـو تزعـل أمـه لا تخلّيـه ياطـاك
احفظ دبشك اللي عن النـاس يغنيـك=اللي إليا بـان الخـلل فيـك يرفـاك
اجعل دروب المرجله كلها من معانيك=واحذر تمايل عن درجهـا بمرقـاك
وهرج النميمة و القفا لا يجي فيـك=واياك وعرض الغافل ايـاي وايـاك
تبدي حديـث النـاس وفيـه تشكيـك=وتهيم بين النـاس بالكـذب وشـراك
واعرف ترى منهو حكالك حكا فيـك=وأصبحت مبغضنـا وحنـا كرهنـاك
صديقـك اللـي بالعطايـا يمـانيـك=انصه بقضيـا حاجةٍ قبـل ينصـاك
واوف الرجال حقوقها قبـل تعنيـك=لا تعتمـد بالعفـو فالحـق يقفـاك
واحذر عدوك لو بقا بـي يصافيـك=عود الجنـا واطعنـه حينمـا جـاك
بالك تماشـي واحـد لـك يرديـك=طالع بني جنسـك وفكـر بممشـاك
رابع أصيل فـي زمانـك يشاكيـك=وإلى شاف خملاتك عن الناس غطاك
واحذر عن طرد المجفـي حذاريـك=عليك بالمقبـل وخـل مـن تعـداك
والنفس خالف رايها قبـل ترميـك=ترى لها الشيطان يرمـي بـالادراك
ومن بعد ذا لا تصحب النذل يعديـك=وعن صحبة الأنذال حاشاك حاشـاك
من نم لك نم بك ولا فيـه تشكيـك=والاَّه قــد أزرا رفيـقـك وأزراك

يتبع....