انشر هنا أبياتك اليتيمة

[سناعيس]

اهــــــــــــــــــــــات


يامن سمع هرجة كذوب وملقوف=لاتصدقه تكفى ترى الهرج كذبات
الغيره اللي تعمي القلب معروف=تجعل صداها ضايع في متاهات
يامن نقشت اسمك على قلبي حروف=حبك جعل ليلي تناهيد وآهات
قلبي عليكم ياهوى البال ملهوف=يخشى الليالي والسنين المقبلات
ان كان ماحصلت لمسك مع الشوف=الموت أفضل من سنين تعيسات





وفـــــــــــــــــــــــاء


الى رحل خلي ماعاد لي مجلاس=ولا بي من الدنيا هموم تكدرني
عيني تهل الدمع ولا يجيها نعاس=واحس في صدري نيران تحرقني
ماريد أنا غيرك من الناس والأجناس=من عقبكم يازين ربي يصبرني




رجـــــــــــــــاء


كلمة أحبك قولها واترك الصمت=ولهان أبسمعها بكلمة صراحه
لاتترك الملهوف يزهق من الكمت=يبكي ينادي يشتركي من جراحه
ياهوه من حبك مريض ولانمت=ولا اهتنيت بدنيتي والسياحه
ان كان ماعندك أحاسيس لامت=اصحى تقول اني احبه حسافه




يـاهــــــاتـــــــــــــف


ياهاتف جريتني في هوى الشوق=ارحم عيون شاقيه في سهرها
لحظة سمعت الهمس باللطف والذوق=قلبي فتح أبواب للي عبرها
اللي الى اتصلت مزاجي لها يروق=واقول ماعندي بصادق خبرها
صارحتها بالحب من قلب محروق=وأجمل أماني ضامري مانكرها
قلت المحبه جاريه ضد مخلوق=ومركب غرامي غارق في بحرها
وردت علي بقول ماهوب مسروق=فكر وحسب في هدوء بأمرها
واحترت بين اثنين عاشق ومعشوق=أجلس اسامر نجمها مع قمرها
حتى يصير النور من الليل مفروق=سهران أفكر في نهاية كدرها




مواثيق وعهود


ماهو من حقك تقول اني أحب=حيث حبي له مواثيق وعهود
قلبي المسكين يكفيه التعب=وما مضى للحب حالف ما أعود
ياما من عيني دموع ينسكب=ولا رقدت الليل مع عالم رقود
وياما من جرح بصدري يلتهب=كاوي قلبي لهيبه والصدود
حبي اللي راح مع من لايحب=ما أعتقد يرجع ولايمكن يعود
قلت يمكن صغر سنه هو سبب=جهله اللي واسع ماله حدود
والغرور الل رفع راسه صعب=أهضمه وارتاح لفعله والبرود
ماهقيت اني بيوم ارتكب=غلطة بالعمر تجعلني حقود




فصول


ودي أزور ديارها=حيث الصبر بطل يطول
بالحلم أصبح جارها=وتسمع لقلبي وش يقول
بالغيم تسبح وحدها=والسحب تمطرها فصول
فصل يجيب أخبارها=وفصل يصورها عجول
وفصل يولعني بها=وفصل أدور له حلول
ياليت دربي دربها=نمشي بخطوات تطول
وامسك بكفي كفها=ولجسمها زندي يحول
وتقرا عيوني عينها=وأسمع لها همس خجول
يارب اجمعني بها=بعش السعاده والمثول