انشر هنا أبياتك اليتيمة

[سراب الراحل]

مشرفنا الغالي
كل الشكر على هذا الموضوع المميز
والذي لم تسبق عليه



قال الذي صفى المثايل وزله=زلت دلال(ن) زلهن عقب تركيد
اربع مسطرهن على جال مله=يسحب لهن من حامي الجمر توقيد
عزي لقلب(ن) فيه تسعين عله=تدور في وسطه صدور ومواريد
ضاقت علي دنياي يا عونت الله=وانا من ارجال(ن) تدك الجلاميد
عزيز قوم(ن) لاكن الفقر ذله=ورجل(ن) بلا مال(ن) حياته مزاهيد

(2)

وادعيني قبل ساعات الرحيل=لاتكوني قاسيه عند الوداع
ارحمي قلب(ن) شقى وقت(ن) طويل=في غرامك لين ضيعته وضاع
اتركي له شي لو انه قليل=بس للذكرى بوقت الانقطاع
وخوذي ادموع(ن) على فقدك تسيل=وكان جفت دم ببكي ياشعاع
كيف ابسلا عنك يالرمش الكحيل=وكيف ابصبر عام من دون اجتماع
القدر ماينتغير مستحيل=ومستحيل انساك لو العمر ضاع



سراب الراحل