بني تميم بلدانهم وشعرائهم

[راشد آل بوعينين]

الألفية لأخي الشاعر :

علي بن محمد بن علي آل بوعينين



يقـــول أبومحمد /



الـف(ن)الا ياعزوتـي بالشـدايـد=عـز الوفـي مطوعييـن الضدايـد
قدم(ن)على حياض المنيـه ورايـد=لاطـرق العايـل نفـاه اللطـامـا
البـا بديـت بعزوتلـي وابنـهـا=بالي ليا صـاح المنـادي رهنهـا
ذرايـتـن لاذل حــرن زبنـهـا=ند الضديد قـرآن شـرف الزمامـا
التـا تلقـاه الفنـا مـن رمـانـا=عزه خطا وادنى الوطا لـه مكانـا
من شط فارس حد ساحـل عمانـا=ذي لابتـي بيـن القبايـل سنامـا
الثا ثنـاة الـذل رووس الطويلـه=جيـب النـدا رد العـدا بالصقيلـه
اهل الظفر يـوم النصايـا ضليلـه=وقتن يحل السيف علـم(ن) حرامـا
الجيم جرنـا روس منـذر حمايـا=فـي حلنـا حـد الحايـا نمـايـا
وربعي عليهم من سنين(ن) مضايا=اهـل الردافـه مربعيـن القسامـا
الحا حمـاة الـدار اهـل الوقـاره=اهل البيـوت العامـرات المنـاره
بيـت العـرب فينـا محلـه زراره=مجد(ن)مضا وفي تالي العهد دامـا
الخا خطينا ما على الـراس يعـلا=منطوقنـا لاهـده الـحـر فـعـلا
حن لابتن لو تعتـم الـدار شعـلا=نرو الصقـل دم(ن) وزاده عظامـا
الـدال دولات الـقـروم الابـيـه=ربعـي ذراهـا لـو تحـل البليـه
نولى قطـر وعمـان حنـا وليـه=وديارنـا لاماحصـاهـا الكـلامـا
الذال ذا حنـا وهـل المجـد منـا=ولامن غدينـا بيـن الاجيـال كنـا
تميـم وان حـل المعـادي وطنـا=يسمى على عينـه لذيـذ المنامـا
الـرا رهيفـات الوغـى لامتطينـا=يشهد لها شام(ن) ودون(ن) وصينا
والغرب ياما مـن صفاهـا روينـا=ونجد(ن)لنا فيهـا زمـان ومقامـا
الـزا زلازلهـا بخيـل(ن) تـكـرا=ارض الوغى وقت الفوارس تجـرا
ربعي على العيـال شر(ن)وضـرا=فرسانهـا لاهـاج هيـج الحدامـا
السيـن سدنـا بالمضايـا وقدنـا=لليـوم لاباكـر وربــي عبـدنـا
بالعـز كنـا دام حـنـا وجـدنـا=اهل الثنا والجـود عـز المضامـا
الشين شـر(ن) لوتحـل البـلاوي=عدونـا يجهـل عفـاه الـمـداوي
كاهل مضر للضاميـات المـراوي=هامة مضـر بالجامعـات الكرامـا
الصـاد صيـاد الفـوارس عتيبـه=كم فارس(ن)هاب الوغى من ضريبه
واكثم والاحنف والقروم الصعيبـه=واميـر خنـدف للضديـد الهدامـا
الضاد ضاريهـا وغـى القادسيـه=بن عمرو وقـوم للعـدا طامسيـه
حنـا تميـم(ن) كانهـا الفارسيـه=علايـة الرايـات يـوم الزحـامـا
الطـا طاغـوت الخطـا هادمينـه=بشيخ(ن) عسى رب البشرلايهينـه
جدد رسالة مـن سكـن بالمدينـه=محمـد نبـي الله سيـد الانـامـا
الظا ظمـاة الحـد برق(ن)رهايـف=بهام العدا نحمي بهـا كـل خايـف
تميـم ياساس(ن)يفـوق النوايـف=اسم(ن)تعلا بأشرف المجـد هامـا
العيـن عـادت للقـروم النجايـب=اشد الامـه يـوم حـل الضرايـب
على المسيح وغاوييـن الخرايـب=قول النبـي يامـن غـواه الملامـا
الغين غيم الجـود كـف التميمـي=عز الضعيف وللمعـادي جحيمـي
كلمه تعلت ياعـرب مـن قديمـي=حنا هل الطـولات حـرب وسلامـا
الفا فـلا هجـر وسماهـا وماهـا=كله مـع البحريـن بالـي تلاهـا
مليكها المنـذر حمـي(ن) حماهـا=قبل السنـا لينـه تجـلا الظلامـا
القـاف قهر(ن)للعقـايـد تـحـلا=الجايـر المضيـوم فيهـم يـظـلا
لا والله الـي فـي ذراهـم يـعـلا=في عزوت(ن) للجار جند(ن) تحاما
الكاف كل(ن) في ربوعـه تعـزوا=ولـي عزوتـن فعالتـن لاتهـزوا
عـز الكريـم وللمعاديـن جـزوا=ترديبهـم عقـب البصـر للعدامـا
الـلام لعيـون الحسايـد عماهـا=والمعتدي يدنا ولـو فـي سماهـا
الفـرس تشهـد يامسايـل دماهـا=والترك من ربعي غشاهـم عتامـا
الميم منـا مـن قديـم الصحابـه=فرسان حرب وبالقضـا والخطابـه
حنـا تميـم بعـد الامجـاد لابـه=ماروثها شراف النزيـل الشهامـا
النون نـار الحـرب حنـا شبوبـه=نهوي على هام المعـادي عقوبـه
حد(ن)شطير(ن) بالمراق مشروبـه=اهل الظفـر حنـا رواة الحسامـا
الها هل الفزعات شكـل الرجالـي=حمايـة التالـي قصـار العوالـي
حرار(ن) تعالت بالشرف والمعالـي=اهـل الحميـه عزوتـي يالنشامـا
الـواو واليـن القضـا والزمامـي=وعكاظ يشهد حكمهـم كـل عامـي
اهـل الفعـول الطيبـات الكرامـي=الي لهم بالكـون عـز(ن) تسامـا
اليـا يديـم الله عـز الجمـاعـه=ويجمع شملها في ثبات(ن)وطاعـه
وصلاة ربي عـد مالنـور شاعـه=علـى النبـي الهاشمـي الامامـا





.وســـلامـــتـــكـــم.