كشكول متعب المتعب

[متعب المتعب]

للشعر مناسبة وربما بعض مناسباته جرح غائر لا يندمل أبدا أبدا لكن :
عاش بصدق حتى وضعوه على تلك التربة فــ كانت الحياة
بالنسبة له قد انتهت فـــ مـــــات !!


7
7
7
7



رتم .. خاص ..













يقول من قالت به القول .. الاقلام=قالت .. وخطّت روس الاقلام .. مابه

!
يابنت وجدي .. ماغفا ليله ونام=وشيبي تبيّن .. والعمر في شبابه

!
وقلبي تحطم .. وانهدم قصر الاحلام=وجار الزمان اللي وسمبي .. صوابه

!
بان الغبن .. يعلن يبشّر بالاجعام=والجور شعشع .. والسعد صك بابه

!
واوجد حالي وجد عود(ن) .. ومنضام=حاله ضريرن مايميز .. صوابه

!
يشوف .. لامن خالط بنومه احلام=ولامن صحا .. يبكي ظلام الكآبه

!
عاش العمر .. كل العمر .. بين الاضيام=واعزتيله من زمانن .. وطابه

!
قالت : حرام اكبر جريمه بالاسلام=طرد الغواني .. والهوى واغتصابه

!
وقالت : وألحّت بالهدا لي .. والالزام=والهادي الله ياولد .. والهدا به

!
خذها نصيحه عن حياتن .. بالاوهام=من تاب لله .. دعوته مستجابه

!
قالت : مصيرك ياولد .. جلد واعظام=كم عاصي(ن) قام الدهر .. طق بابه

!
وكم مجرمن جازاه ربك .. بالاعدام=وكم خاينن ملح الترايب .. صفابه

!
قلت ارحمي لو بالشريعه .. من انضام=وجدي عليكم .. ربنا من بلابه

!
وجدي عليكم وجد محكوم .. باعدام=تسعة سنينن قبل حكمه .. مضابه

!
وسط السجن .. عاش القهر تسعة اعوام=ووسط الزنازن .. لين ضيّع شبابه

!
أقفا شبابه بين الاسوار .. منضام=والحال أقفا .. مع قوافي عذابه

!
وعقب السنين الموجعه .. شاف الاحكام=قالوا صدربك عاجلن .. بالكتابه

!
وبالخط الاحمر .. أصدروا حكم الاعدام=في يومن اسود .. مظلمن في غيابه

!
شيخن لفاني مع طبيبن .. وحكام=ولفـّوا على راسي .. لفافة اعصابه

!
قالوا وصاتك هاتها .. يابن الايتام=ودموع عيني لليتامى .. إجابه !!

!
قالولي انطق بالشهاده .. والاسلام=وانهار جسمي .. والفرح صك بابه

!
يا حسرتي يا بنت موتي .. بالاعلام=صبرك بيومن ما حسبتي .. حسابه

!
هم قيدوني .. وانثنت كل الاقدام=ولفـّـوا ايديني من قفاي .. بغرابه

!
ومن فوق فان(ن) .. زمّني كل زمّام=لين اركنوني طابتن فوق .. طابه

!
وتحت العصابه .. دمعتن مالها احزام=واشوف موتي كشّر بناب .. نابه

!
لبسي خريطن ضيقن .. وابيض الخام=وجسمي نحيلن .. مثل قوس الربابه

!
هم برّكوني .. وخلو الصدر .. قدام=وبداخلي .. مات الامل من عذابه

!
أسمع واحاتي .. كنها وقش الاقدام=وانا اتحرى شوف موتي .. اطلابه

!
ودنقت راسي .. فاقدن كل الاحلام=على ترابن .. عزتي من غدابه


!

!

متــــــــ ع ع ع ـــب المتـــ ع ع ع ــــب !!


!


!