كشكول فلاح بن منشار

[نجم الإبداع]

يامرحبا بالشعر واللي معده=عد الزهور وعد نبت الرياحين
يالشاعر اللي طاب وده ولده=ارسل هديه والعتب له براهين
بالهيض ساق الجزل من عقب جده=واروى عروقن ضاميات وعطاشين
جتني الهديه تاج ماشفت نده =فيه الجواهر والتميز بلونين
لونن حلي واللون الاخر نقده=حسب النظام امشي ولا افرّق اثنين
لو ملت قال الناس بده وبده =ماظن ترضى بي يلوف القياطين
هذا العمل والنوم فوق المخده =وانته كريم ولابتك تقضي الدَّين
ياسعْد خل الفقر لاهل المكده =اللي على الراكب حسابه ريالين
مثلك من الشجعان حنا نعده = فالسلم والا الحرب سيفا بحدين
والضيف لامن جاك عشه وغده=وان صرت ضيف اقلط ديار الكريمين
لاتقرب اهل البخل في كل هده=واحذر تخاوي اللي يجي لك بوجهين
اللي بوجهك لاضحك قلت بده=وان غبت يطعن بالظهر تقْل سكين
والطيّب اليا جاك ياسعد قده =لاتهظم حقوقه وترضي المرائين
على الشرف والود معكم نمده=ماني بقاطع وصل واراعي الدِّين
ياسعْد دار الموج وان جاك هده =والمد طبع البحر من حين الى حين
يمكن تقابلني على وقت شده=واقول هرجة شر ماتملي العين
ماهيب من قلبي علامك تضده=ياحر يامشهور بين الشياهين
انته زعلت وقمت عاني تحده =اليين ثارت من عناه البراكين
صاحبك ماصعّر للاصحاب خده =له بالتواضع بين ربعه نياشين
مقبول منك القاف لي واخذ رده =على الشرف والود طبع المودين