بني تميم بلدانهم وشعرائهم

[الطائر المهاجر]

لي ديرةٍ بين الجبال الشامخه لمع الجدي = تاريخها المنقوش في صدر الزمن فخر ومهابه
من خلقت الدنيا وهي كالشمس فيها نهتدي = نحسها بقلوبنا تمطر عليها كالسحابه
تروي عروق ضاميه في حبها العذب الندي= وتزهر ورودٍ ذابله من مزنها شهدٍ شرابه
هذي الحرّيق ديرة الأمجاد منها نبتدي = وفيها نهاية فخرنا تاريخ مفتوحٍ كتابه
ديرة هلي ديرة مناعير الرجال السجدي = لله وحده ما ارتجوا مخلوق لو يفتح لبابه
كلهم هلي ، هم محزمي هم في الشدايد مسندي= هذا ولد عمي وذا خالي وهذا من القرابه
ما بيننا منهو غريب الساس والاّ المولدي = الدم يجمعنا اختلط من كل عرق وكل لابه
اجدّاننا شادوا بناها وقهروا للمعتدي= وهم من ركض للضيف وارهوا دمهم يحمي ركابه
وهم من فزع للجار يوم النهب والوقت الردي = وهم سطروا اجمل ملاحم ما تكفيها الكتابه
احرار ما نخشى سوى اللي في المساجد يعبدي= وقلوبنا مع بعضها وشعارنا طيب وحبابه
بكره نشوفك ديرتي بالعز فوق الفرقدي = نجمٍ تلالا مثلما كنتي لنا عز ومهابه