بني تميم بلدانهم وشعرائهم

[فواز البوعينين]

الشاعر مبارك بن علي بن عبدالله العيوني آل بوعينين :



ولد في الوكره بقطر ثم انتقل إلى الجبيل عام 1347هـ ، وتوفي رحمه الله في عام 1370هـ . وله الكثير من القصائد التي امتازت بجزالة المعاني وصلابة الأبيات وتناسق القوافي ومنها :


يالله يا عالم خفايا اسرورها=يا مالك الدنيا ووالي أمورها
يارازق الأدباش من بارق الدجـا=ضامن مكاسبها على قدر زورها
لك الحمد يا معبود والشـكر والثنا=على كل حالٍ مع صفاهـا اكدورها
تلطف بحال اللي فلا سواك يرتجي=غيرك إذا جا من الليالي امرورها
وخلاف ذا دنيت ما تطوي المدى=سفينةٍ تدني بعايد ابحورها
حمراً جديدة لوح يعجبك سـيرها=بالعود قافيها الهواء من ادبورها

ويقول في قصيدة أخرى لـه :


بدا القيل من لافي معانيه حاير=إلى عد ونخصه وجيه المسافير
من كوكب فوّار بين الضـماير=غدران وديانه بليّا صـوادير
أحلى من السـكر ودر العشاير=يرعن قفار مسـمنات أباكير
إلى قولــه :


ألايفٍ وان شافت الراس داير=حنّت كمـا حن الضوامي على البير
كرام النضا قودٍ سلايل هراير=عشرٍ رعن بحيال عشرٍ مذاخير
لا قفن كما جول القطا فر طاير=من قصر عينين أوميٍ على خير

وله هذه الأبيات القوية من قصيدةٍ له يدحض بـها حجج خصومه ويهنيء بـها الشيخ سلطان بن راشد الراشد آل بوعينين ، حيث يقول :


قال العيوني في جوابه تمثل=دارت لوالب ضامري بالتماثيل
والدمع من عيني على محجري هل=كنه يركز في هدبها سماليل
ويلاه يا وقتٍ علينا تبدل=طيور الشوامي عقبتها البلابيل
خسران يا مصقر لمقناصه أشول=ما قد ذكر للصيد حاشا ولا قيل
يذكر عجوزٍ في زمان السمؤل =من بخلها شحت على النار بالنيل
يا ناشدٍ عني فلياك تسأل=صلبي المحمّد يا غشيمٍ هل الحيل
ربعٍ إيلا كدر سماهم وظلل=فهودٍ إذا صكت عليهم محابيل
مثل الفحل سلطان ليقال يفعل =أبو محمد ملتقى للمشاكيل
ليت الملك يومه علينا تفضل=انكم على أمـواج البحر كالكيابيل
مع دورة الكشاح شهرٍ مهلل=غربي تزايقه البروق الشواعيل