كشكول فلاح بن منشار

[نجم الإبداع]

الي ادعّى بالكذب ماني بصيده=ماضنتي مصيود قد صاد صياد
الزارع الي ماهنى له حصيده=ماكمّل الحجه وعوّد من اجياد
في قدره المعووج حاك العصيده=ماناسبت زايد ولا عجبْت زياد
نثرّ زهابه يوم خلّص رصيده=بغى يعيّد واخْرُبت كل الاعياد
يكذب على اصحابه وسوى قصيده=من كاهنة عشاق وقراية اسياد
عاينت مقدار الوكون الزهيده = يشبه لصوت اصخيلةٍ ضرها قياد
يشكي من الفرقاء وحاله نكيده=لاصوت زين ولامعه قد مياد
مادرى علاما يدعي بالمكيده=ماهوب كفو الحر مابين الابياد
هو يحسب انا لاضحكنا نريده=لاكن عقب الي وصل حصّل حياد
دنيا العجايب هل لها من مزيده=ناس اتغرّق والبعض للشر شياد
والي ادعّى بالكذب ماني بصيده=معقول به مصيود قد صاد صياد ؟