كشكول فلاح بن منشار

[نجم الإبداع]

لو تسألوني عن زمان البساطه=لاعطيتكم عن ماضي الناس تاريخ
في كل بيت الضيف مطوي بساطه=مرفوع لعيونه لو انه من السيخ
من السعف مصنوع حتى رباطه= يقعد عليه اهل الاماره مع الشيخ
وعزك تشوف الزل خل الخراطه = والي بخيل فما معه غير توبيخ
كان الكرم عاداتهم وارتباطه = بارواحهم مايقطعه غير رخريخ
من زارهم مايعرفون القناطه = اقرب غنم من بينها راس طخطيخ
تسمع صدى الترحيب جمع وفراطه=مثل العسل كنه لفا مالمصاليخ
مايمدي الزائر يجيه انضباطه =الا وقدره قام عند المنافيخ
يقدمون البن والهيل ناطه = والتمر واللوز ومن الشهد تطنيخ
متكاتفين ومابهم من زعاطه = واليا مرض واحد غدوا له مكافيخ
نزرع ونبني بيوتنا بالرباطه = ونرعى المواشي في جبالن مكاميخ
مايعرفون القمبري والبطاطه = ماياكلون الا من البر ملافيخ
ذكرى قعاقع والصحن والحماطه=وغدير للبنتين حوله مفاخيخ
غابات وادي الشاعر وشعب خاطه=وغييله يوم عيونها بالمناذيخ
كم في العراه الي حمينا حياطه = راحت رقابٍ دون حده مزاخيخ
والا الحدب غالي علينا قراطه = دونه تطيح ارقاب قبل الجخاجيخ
لبس الجنابى والسيوف المناطه=والا مشاعيب العتم للذي ذيخ
نحمي حدود اديارنا بالظباطه = بالميم والنيمس وبصناعة الريخ
مانلبس ابشوت العرب للقطاطه=في بشتنا للعز مسكن وتشييخ
سلّ رهوة البر يوم للترك شاطه=عن فعل منشار الذي نوخ الكيخ
لازال ترسه والقناء في بلاطه=محفوظ ذكرى بين بعض الجنابيخ
واليوم كلٌ قام يبدي الهياطه = يقول انا بوزيد والاصل زرنيخ
زمان يوم الكل يعرف نقاطه= ماكان يعرف غير روس المطانيخ
واليوم كلن قام يجمع نياطه = ويقول انا في ساحة العز طربيخ
ياوقت قلبي منك زاد اشتياطه=عزيّت ولد اللاش واصبح طخيطيخ
ياوقت لولا الصبر لاظهر عياطه=ذل الكريم وشاخ بعض الدخاديخ